Златна награда за дизајнот на македонскиот бренд NOBULL…

Македонскиот бренд NOBULL… (www.justnobull.com), еден од брендовите на Македонија-Експорт, освои златна награда на престижниот фестивал MUSE Design Awards, кој се одржува секоја година во Њујорк. 

Станува збор за ииновативен концепт на бренд кој вклучува девет производи од категоријата слатки и солени закуски, произведени во четири фабрики во Македонија и во Србија (АД „Европа“, „Витаминка“, „Свислион“ ДОО и „Тако“ - Србија. Брендот е направен за светскиот пазар со фокус на американскиот и канадскиот пазар, 

 „NOBULL…” ја освои наградата во конкуренција од 3.942 пријавени апликации од целиот свет, меѓу кои и познатите брендови PlusOne, Walmart, Fiverr, Subaru USA, Cineplex, BBC Studio Events, KFC, Burberry Beauty, Hyundai, Mondelez International, Inc. (OREO), Disney+, SG Yamaha Motor Company и други.

Пакувањето на „NOBULL…” е изработено од Димитар Проданов, сопственик на креативното студио Omni Creative.

Иако работиме во свет кога многу нешта се кажани, сепак креативноста и дизајнерскиот потпис секогаш наоѓаат инспирација за автентичност, уникатност и оригиналност. Тоа го потврдува и дизајнот на „NOBULL…” и оваа награда што ме прави неизмерно горд и ме уверува дека во нашата индустрија може уште многу нешта да кажеме и направиме на поинаков и несекојдневен начин со што ќе дадеме дополнителна вредност на производите и услугите на клиентите, рече Проданов.