Инспирација од сериите на „Нетфликс“

„Колс“ на австралискиот пазар претстави низа смрзнати производи инспирирани од две од најгледаните серии на „Нетфликс“ – „Stranger Things“ (Почудни нешта) и „Squid Game“ (Игра на лигни).

Новиот асортиман на производи на „Колс“ вклучува смрзнати пици, инспирирани од пицеријата од серијата „Stranger Things“, како и плескавици за скара, зачинети грицки и сладолед Stranger Things, кој е достапен во три варијанти (Butterscotch, Cinnamon Buns и Vanilla & Cookie Pieces).

Трговецот на мало лансира и девет различни пакувања пилешки медалјони во форма на триаголници, кругови и квадрати, инспирирани од заштитните знаци на серијата „Squid Game“, како и пире од компири со црвен и зелен фил, кое асоцира на играта „Црвено светло, зелено светло“ од истата серија.

Тим Лејн, менаџер на категоријата смрзнати производи во „Колс“, вели дека компанијата е воодушевена од партнерството со стриминг-сервисот, од кое произлезе претставувањето на новите производи инспирирани од популарните франшизи.

Посветено соработуваме со доставувачите за да ја прошириме и диверзифицираме понудата на производи. Овој иновативен асортиман црпи инспирација од концептите и брендовите што нашите потрошувачи ги сакаат во овие серии, истакна Лејн.