dm донира респиратори во вредност од 36.600 евра

Компанијата „дм дрогерие маркт“ донира два респиратора во вкупна вредност од 36.600 евра како придонес во борбата против коронавирусот, но и за да ја подобри опремата за хронично болните пациенти што се лечат во болниците во земјава. 

Респираторите се донирани во Министерството за здравство, кое ги пренасочи кон ЈЗУ Општа болница во Кавадарци и ЈЗУ Клиничка болница во Битола.

На ниво на целата групација донирани се вкупно 15 респиратора – анестезиолошки вентилатори Primus од германскиот производител „Драгер“. Со тоа, како што истакнуваат од најголемиот дрогериски синџир во Европа, dm продолжува да биде сојузник на заедницата на патот кон побезбедна и поздрава иднина.

Паралелно со успешните резултати што ги остваруваме од година во година, секојдневно вложуваме во заедницата во која дејствуваме. Тоа не е само гест на благодарност или обврска, туку одговорност и придонес за подобар живот на луѓето во земјава. Во моменти кога како општество сме соочени со големи предизвици предизвикани од глобалната пандемија, неопходна е сечија солидарност, за да излеземе како победници од оваа битка. Се надеваме дека овие два респиратора од ќе бидат од помош во борбата со пандемијата, но и дека ќе помогнат за лечење на пациентите со хронични болести, на кои не смееме да заборавиме, изјави Предраг Петровиќ, член на управата на dm вo Србија и С. Македонија.

Компанијата „дм дрогерие маркт“ неодамна одбележa 7 години успешно работење на македонскиот пазар, со остварен промет од речиси 1,1 милијарда денари.