„Стокомак“ го отвори првиот маркет во Битола

Новиот маркет „Стокомак“, на продажна површина од 388 квадратни метри, беше отворен на 26 декември во Битола.

Маркетот се наоѓа на улицата Григор Прличев, бр. 3. Асортиманот го сочинуваат околу 1.600 прехранбени и непрехранбени производи, вклучително и брендови и трговски марки што може да се најдат само на полиците во „Стокомак“. Маркетот располага со 4 каси за наплата и паркинг-простор за возила.

Овој маркет успешно го заокружи планот за развој во 2020 година и што како компанија продолжуваме да отвораме нови работни места. Најважното е што продолжуваме да им се приближуваме на потрошувачите што сакаат да купуваат производи со највисок квалитет по најниски цени. Отсега, битолчани ќе го имаат најдобриот избор за пазарување во нивниот град, изјави за InStore Славко Георѓиев, менаџер за продажба во „Стокомак“.

Ова е прв „Стокомак“ во Битола, а хард-дисконтерот е присутен и во Скопје, Куманово, Штип, Тетово, Прилеп, Кочани, Велес, Неготино, Пробиштип, Гевгелија, Струмица, Охрид и во Гостивар.