„Лидл“ ја поддржа еколошката иницијатива „Час за нашата планета“

Глобалната еколошка иницијатива „Час за нашата планета“ традиционално кон крајот на март обединува милиони луѓе, градови и компании ширум светот со заедничка цел – зачувување на природата преку еден час симболичен мрак.

Како активен дел од оваа иницијатива, компанијата „Лидл“ - Србија во саботата, од 20:30 до 21:30 часот, ја исклучи фасадната расвета, логотипите и пилоните во логистичките центри и продавниците во Белград, Нови Сад, Ниш, Крагуевац и Суботица.

Учеството во оваа иницијатива е симболичен потег со кој компанијата укажува на поширока стратегија насочена кон заштита на климата.

„Освен преминот на обновливи извори на енергија, „Лидл“ - Србија секојдневно применува низа мерки за подобрување на енергетската ефикасност во сите сегменти од работењето. Сите технички системи во објектите – од HVAC системите (греење, вентилација и климатизација) и осветлувањето, до ладилните витрини и канцелариската опрема – се базираат на најсовремени уреди со највисока енергетска класа (A и повисока). Иако електричната енергија е примарен ресурс, во логистичките центри внимателно се дозира и природниот гас за подно греење, во синергија со системи што повторно ја користат отпадната топлина од индустриското ладење. Дека во одржливото работење секој детал прави разлика, покажува и податокот дека само со димирање, односно оптимизација на осветлувањето во продажниот простор, во текот на 2023 година е заштедено 971.344 kWh електрична енергија“, соопштија од компанијата

Посебен фокус на компанијата е насочен кон сопствено производство на електрична енергија. Од јуни 2024 година, во логистичкиот центар во Лапово во целосна оперативна работа е соларна електрана со моќност од 999 kWp, а во текот на истата година изградени се уште четири соларни електрани на покривите на продавниците, чие пуштање во работа се очекува во наредниот период.

Фото: „Лидл“-Србија