Промоција на „Прирачник за општествена одговорност на претпријатијата“

Бизнис-конфедерација на Македонија денеска го промовираше „Прирачникот за општествена одговорност на претпријатијата“ во ТЦЦ „Гранд Плаза“ во Скопје. Прирачникот е резултат од активностите на проектот „Кооперативна општествена одговорност за сите“ (CSRforALL).

Бизнис-конфедерација на Македонија денеска го промовираше „Прирачникот за општествена одговорност на претпријатијата" во ТЦЦ „Гранд Плаза" во Скопје. Прирачникот е резултат од активностите на проектот „Кооперативна општествена одговорност за сите" (CSRforALL).

Настанот се одржа со цел да се подигне свеста на бизнис-заедницата во Македонија за важноста и неопходноста од општествената одговорност на претпријатијата (ООП), како и да се отворат и одговорат суштинските прашања.

На семинарот зборуваа Миле Бошков, претседател на Бизнис-конфедерација на Македонија, Александар Николов, претседател на Националното координативно тело за ООП, Владимир Петковски, универзитетски професор, Горан Лазаревски, претседател на Националниот совет за претприемништво и конкурентност, Валентина Дисоска, претседател на Здружението на бизнис-жени и Никица Кусиникова од здружението „Конект" и контакт-лице на „УН Глобал компакт" во Македонија.

На настанот беа анализирани повеќе теми, од кои дел се опфатени и во прирачникот: ООП како услов за поголема конкурентност, пристапот на женското претприемништво кон ООП, презентација на соодветните интернационални инструменти за малите и средни претпријатија, националните и европските иницијативи за ООП и др.

Промоцијата на прирачникот, разменувањето на искуства, знаење и експертиза беа дополнителна вредност на овој семинар.