„Еуромит“ инвестира во фабрика во Маглај

На местото на поранешниот трговски центар во Маглај, кој не беше целосно користен во годините по поплавата, наскоро треба да почне преработка и дистрибуцијa на црвено месо, кое својот пазар ќе го најде и во Австрија.

Вредноста на инвестицијата во Маглај е околу 1,5 милиони евра, а ќе се отворат и нови работни места за граѓаните на Маглај.

„Еуромит“ посочува дека идејата за почнување на овие погони во Маглај се појави пред околу една година: Во овие погони ќе имаме преработка и дистрибуција на црвено месо. Со анализа на пазарот, сфативме дека недостасува соодветно снабдување на малопродажните места во БиХ со црвено месо, во вакуумско пакување и со продолжен рок на траење. Денес немате можност да купите одредени делови од црвено месо, и од тие причини инвестираме во нови погони, а ќе ја користиме нашата веќе развиена дистрибутивна мрежа, изјави инвеститорот Един Јабанџиќ, директор на „Мади“, во чии рамки работи „Еуромит“.

Тој исто така посочи дека приоритет е пазарот и пласманот на халал производи во Европската Унија, а во наредните години и отворање на кланица.

„Еуромит“ планира да ги отвори вратите на почетокот на ноември и да ги лансира своите први производи на пазарот.