„Дала Валентина“ вложува 5 милиони во фабрика за сирење во Јагодина

Компанијата „Дала Валентина" од Верона, што годишно преработува 73.000 тони млеко, во изградба на фабрика за преработка на млеко и сирење во Јагодина, ќе инвестира 5 милиони евра, изјави сопственикот на компанијата Езио Валентина.

Компанијата поседува фабрика што е една од најголемите фабрики за сирење во Италија, каде што дневно се произведуваат 2.600 килограми сирење, што на пазарот излегува по 16 месеци зреење. Одлуката за изградба на фабрика во Јагодина е донесена пред неколку месеци, а потврдена е при посетата на земјоделците во Србија, кон половината на мај.

Претседателот на Собранието на градот Јагодина, Драган Марковиќ  Палма истакна: Ова не е единствениот инвеститор кој ќе гради фабрика во Јагодина, бидејќи досега се потпишани три договори за изградба, а „Дала Валентина" е четвртата.

Тој додава дека корист од изградбата на фабриката „Дала Валентина" освен жителите на Јагодина, ќе имаат и жителите од 15 општини.