Илјада мали продавници под името „Моја продавница“

Синџирот „Метро кеш & кери" соопшти дека илјада мали независни продавници низ Србија работат под заедничкото име „Моја продавница", во рамките на проектот за зачувување и унапредување на самостојниот трговски сектор.

„Моја продавница" е проект почнат од страна на големопродажниот синџир во Србија „Метро кеш & кери" и што опфаќа најголем број самостојни трговци во земјата, овозможувајќи им на малите независни продавници да работат под еден банер. Целта на проектот е подобрување на работењето и унапредување на квалитетот на услугата на малите продавници, во периодот на поголемо влијание на економската криза и сè посилната конкуренција од големите трговски синџири.

Од компанијата потсетуваат дека трговците вклучени во овој проект од нив добиваат бесплатна маркетинг-поддршка во поглед на брендирање, печатен материјал, советување и едукативни тренинзи, а истовремено ја задржуваат целосната независност во работењето.

Досегашните резултати од проектот покажаа дека прометот во тие продавници, по вклучувањето во „Моја породавница", значително е поголем, а купувачите добиваат подобра услуга, поквалитетен асортиман и поповолни цени, истакнуваат од компанијата.

| Бојана Симиќ, сопственичка на продавницата „Фам маркет 01" од Панчево вели дека од првиот ден по приклучувањето во проектот „Моја продавница" добила голема поддршка и помош, што било драгоцено, поради тоа што ги правела првите чекори во развојот на својот бизнис. Важно ми беше да не направам почетнички грешки во работењето и на вистинскиот начин да ги препознаам потребите на купувачите и на адекватен начин да го прилагодам асортиманот и цените, изјави Симиќ, додавајќи дека најмногу добиле нејзините купувачи. |