Италија: Продажбата во категоријата „био“ достигна 3,3 милијарди евра

Продажбата на храна и пијалаци од органско производство во Италија достигна 3,3 милијарди евра, а прометот во оваа категорија е зголемен за 4,4 отсто. 

Оваа бројка се однесува само на продажбата на органска храна во трговските синџири, а не на пазарите, во ХоРеКа каналот, во градинките и училиштата....Исто така, овие податоци не ја опфаќаат органски произведената храна за извоз. Позитивниот скок може да се препише на зголемениот интерес за здрава храна поради пандемијата, се наведува во извештајот на Институтот за услуги во земјоделско-прехранбениот сектор. 

Извештајот открива дека големите трговци ја зголемија продажбата на органска храна за 5,7 отсто до јуни 2020 година, додека кај дисконтерите ова зголемување е дури 10,7 отсто.

И покрај охрабрувачките бројки, оваа специфична категорија и натаму е само 9 отсто од буџетот што Италијанците го трошат на храна и пијалаци.