„Алберт Хејн“ го проширува асортиманот вегански производи

Најголемиот холандски малопродажен синџир „Алберт Хејн“ најави дека оваа есен значително ќе ја зголеми понудата на веганска и вегетаријанска храна, со цел да одговори на зголемениот интерес на купувачите за храна од растително потекло

Најголемиот холандски малопродажен синџир „Алберт Хејн“ најави дека оваа есен значително ќе ја зголеми понудата на веганска и вегетаријанска храна, со цел да одговори на зголемениот интерес на купувачите за храна од растително потекло. 

Трговецот соопшти дека иако има најголема понуда на вегански и вегетаријански производи во Холандија, сака и дополнително да го прошири асортиманот-затоа, оваа есен ќе претстави 70 нови категории од приватна трговска марка. Новата линија вклучува растително сирење, вегетаријански намази, колбаси од зеленчук, вегански плескавици и растителна храна која претставува замена за млечни производи. 

Целта ни е да понудиме уште подобра храна која ќе биде достапна за сите. Некогаш беше незамисливо чинијата да не содржи месо, но времињата се променија, велат од „Алберт Хејн“.