Чипсовите Pringles ќе добијат нова амбалажа

Брендот чипс „Pringles” мора да претрпи редизајн за да може да се рециклира. 

 “Pringles” чипсовите се пласирани на пазарот од страна на “Procter & Gamble” уште во 1967 година, а потоа во 2012 година брендот беше купен од „Келог'с„ за 2,7 милијарди долари, и сега се продава во повеќе од 140 земји во светот. Спакуван е во амбалажа налик на цевка која овозможува сите чипсови да бидат наредени еден врз друг, за да се спречи кршење.

И покрај практичноста, познатото пакување се издвојува како многу тешко за рециклирање. Во Велика Британија има доста брендови, чии пакувања се „тешки“ за рециклирање, меѓу кои се и „Cadbury" и „Babybel". Впрочем, само 34 отсто производи од наведените категории ги почитуваат актуелните „еко стандарди“. Исто така, 41 отсто немаат никакви ознаки кои би покажале дали можат да се рециклираат. Поради тоа, британските еко-организации ја повикаа Владата да го направи означувањето на тој тип на производи „едноставно, јасно и задолжително“. 

Во меѓувреме, се огласи  „Келог'с“ кој соопшти дека тие веќе тестираат нова амбалажа од рециклирана хартија, која е присутна во неколку продавници на „Теско“. Ако се покаже како успешна, од неа ќе се прави новото пакување на „Pringles”.