„Х5 Ритаил груп“ наскоро со формат на хард-дисконт

Еден од двата најсилни руски малопродажни синџири, „Х5 Ритаил груп“ (вториот е „Магнит“) ќе отвори 3-4 продавници за да тестира дали може да работи во формат на хард-дисконт. 

Веруваме дека ваков концепт има добри шанси за успех во моменталната глобална економска и политичка ситуација, кога приходите на потрошувачите опаѓаат, а цените остануваат еден од најважниот фактор кога се носи одлука за купување, соопштија од трговскиот синџир. 

„Х5 Ритаил груп“ во Русија е најпозната по синџирот маркети „Пјатерочка“ кој во најголемата држава во светот има дури 4.789 продажни објекти. Од компанијата соопштија дека продолжуваат да ја развиваат онлајн трговијата, од која се очекуваат по околу 12.000 нарачки дневно. За достава на намирниците преку интернет, групацијата ангажираше пет големи логистички центри. 

Називот на новите хард-дисконти уште не е познат.