Утре ќе се одржи првата конференција Talk in Business

Магазинот InStore ја организира првата интерактивна Talk IN Business конференција на тема – Слатка програма во Македонија, која ќе се одржи на 29.10.2015 година, во хотелот „TCC Grand Plaza".
                         

Talk IN Business е успешен регионален проект, кој македонската редакција на магазинот InStore со задоволство го пренесува и во Македонија. Интерактивните Talk IN Business конференции ќе се одржуваат еднаш месечно и на секоја ќе се обработува одредена категорија производи од FMCG-секторот. Ќе бидат презентирани вредни информации од фокусирани истражувања на пазарот, анализи на актуелни трендови и проблематики но, пред сè, ќе се споделуваат искуствата за категориите.

Утре, во хотелот „TCC Grand Plaza" ќе се одржи првата интерактивна бизнис-конференции на тема Слатка програма, од циклусот 10 што ќе се одржат во текот на оваа и следната година. На конференцијата ќе учествуваат најголемите кондиторски производители од Македонија, дистрибутери на производи од слатка програма и најголемите супермаркети. На Talk IN Business тие ќе имаат можност да дискутираат за потрошувачките навики, позицијата на брендовите и за основните трендови на секоја категорија, како и за интегрирано медиумско планирање на кампањи.

Интерактивните Talk IN Business конференции ќе бидат организирани во соработка со истражувачки агенции, експерти, консултанти и еминентни луѓе од секторот.