Утре на Talk IN Business – дистрибуција и логистика

Магазинот InStore ја организира четвртата интерактивна Talk IN Business конференција, прва на тема – „Дистрибуција и логистика", која ќе се одржи утре, во „Воденица Мулино", во Скопје.

Четвртата конференција Talk IN Business е ексклузивна можност на едно место да се сретнат најголемите производители, дистрибутери, логистичари и трговци. Тие ќе имаат можност да разговаат на темите: предности на сопствената дистрибуција, оптимизација на работните процеси и централно магацинско работење.

Спонзори на настанот се: „Дуна", РСМ, „Маг комерц", Peugeot и „Викторија шпед", а во соработка со Амбасадата на Република Хрватска во Македонија. 

Talk IN Business е успешен регионален проект, кој македонската редакција на магазинот InStore првпат го пренесе во Македонија минатата година. Теми на претходните конференции беа категориите „Слатка програма", „Козметика" и „Средства за домашна хигиена".

Интерактивните Talk IN Business конференции се одржуваат еднаш месечно и на секоја средба се обработува одредена категорија производи од FMCG-секторот. Пред присутните се презентираат вредни информации од фокусирани истражувања на пазарот, анализи на актуелни трендови и проблематики но, пред сè, учесниците имаат можност за споделување на искуствата за категориите.