Утре на Talk IN Business – млеко и млечни производи

Магазинот InStore ви ја најавува седмата интерактивна Talk IN Business конференција, која ќе биде посветена на категоријата млеко и млечни производи. Конференцијата ќе се одржи утре, во „Воденица Мулино" (Капиштец), во Скопје.

На седмата Talk IN Business ќе бидат презентирани истражувањата на агенциите „Ниелсен" – Србија и „Брима". Со најновите податоци од нивните истражувања, презентерите ќе дадат подетален преглед на категориите млеко и јогурт, како и за профилот на консументот на млечната категорија. Свое излагање ќе има и Агенцијата за храна и ветеринарство.

Седмата конференција Talk IN Business е ексклузивна можност на едно место да се сретнат најголемите производители, дистрибутери и трговци од млечната индустрија. Учесниците ќе имаат можност и за тематски дискусии, во кои преку размена на мислења, искуства и предлози за идно подобро работење, ќе зборуваат на темите: „Како до конкурентски и лидерски млечни производи" и „Тековни проблеми и предизвици во млечната индустрија".

Talk IN Business е успешен регионален проект, кој македонската редакција на магазинот InStore првпат го пренесе во Македонија минатата година. Интерактивните Talk IN Business конференции се одржуваат еднаш месечно и на секоја средба се обработува одредена категорија производи од FMCG-секторот. Пред присутните се презентираат вредни информации од фокусирани истражувања на пазарот, анализи на актуелни трендови и проблематики но, пред сè, учесниците имаат можност за споделување на искуствата за категориите.