Во петок на Talk IN Business – месо и месни преработки

InStore ви ја најавува деветтата интерактивна Talk IN Business конференција, на тема „Месо и месни преработки". Конференцијата ќе се одржи во петок (14 октомври), во „Воденица Мулино" (Капиштец), во Скопје.

На деветтата Talk IN Business ќе бидат презентирани истражувањата на агенциите „Фокус маркетфоршунг" и на „ГфК" – Македонија. Со најновите податоци од истражувањата, презентерите ќе дадат детален преглед на промоциите во флаерите, како и анализа на навиките на потрошувачите на сувомесни производи. Излагање на тема „Социјални медиуми: уште еден канал за промоција или можност за нови искуства?" ќе има Дарко Булдиоски од академијата за интернет-маркетинг на „Clear View".

Деветтата конференција Talk IN Business е ексклузивна можност на едно место да се сретнат трговците и најголемите производители и дистрибутери од месната индустрија. Учесниците ќе имаат можност и за тематски дискусии, во кои преку размена на мислења, искуства и предлози за идно подобро работење, ќе зборуваат на темите: „Позиционирај, промовирај, продавај!" и „Кои се вашите потрошувачи денес?".

Talk IN Business е успешен регионален проект, кој македонската редакција на магазинот InStore првпат го пренесе во Македонија минатата година. Интерактивните Talk IN Business конференции се одржуваат еднаш месечно и на секоја средба се обработува одредена категорија производи од FMCG-секторот. Пред присутните се презентираат вредни информации од фокусирани истражувања на пазарот, анализи на актуелни трендови и проблематики но, пред сè, учесниците имаат можност за споделување на искуствата за категориите.