Втората конференција Talk IN Business ќе се одржи утре

Магазинот InStore ја организира втората интерактивна Talk IN Business конференција на тема – „Козметика", која ќе се одржи утре, во „Воденица Мулино", во Скопје.

Talk IN Business е успешен регионален проект, кој македонската редакција на магазинот InStore првпат го пренесе во Македонија минатиот месец. Тема на првата конференција беше категоријата „Слатка програма".

Интерактивните Talk IN Business конференции се одржуваат еднаш месечно и на секоја средба се обработува одредена категорија производи од FMCG-секторот. Пред присутните се презентираат вредни информации од фокусирани истражувања на пазарот, анализи на актуелни трендови и проблематики но, пред сè, учесниците имаат можност за споделување на искуствата за категориите.

Во петок, на 27 ноември, ќе се одржи втората интерактивна бизнис-конференција на тема „Козметика", од циклусот 10, што ќе продолжат во текот на следната година. На конференцијата ќе учествуваат најзначајните играчи од козметичката индустрија во Македонија и претставници од најголемите супермаркети. На Talk IN Business тие ќе имаат можност да дискутираат за потрошувачките навики и колку индустријата го познава потрошувачот, за спецификите во позиционирањето на категоријата, за глобалната слика и за новите светски трендови, како и за нивната рефлексија во Македонија.